Escoita Ruxe-Ruxe nas seguintes canles !

 

[Pulsa sobre o logo correspondente e dálle o play!]

eu8PDO627CgDAyf2IrATmg-deezer-logoitunes-logo-png-transparent

Google-play-logo.jpg

PRESENTAMOS O NOVO DISCO O SÁBADO 25 DE MARZO NA CAPITOL

🔥 O 25 de marzo será un día ben importante e especial para nós. Será o momento de compartir con vós, sacarlle o embalaxe e ensinarvos o proxecto no que levamos traballando con toda a nosa ilusión os últimos dous anos. Desta volta vimos cargados de cambios, doutra forma de entendernos e entender a nosa música, de novas cancións en forma de churumelas e de enerxías máis positivas e molonas ca nunca. Que non nos falte a vosa compañía e o voso amor na Sala Capitol 🖤 Prometémosvos “unha noite no interior dunha faísca”… É moita promesa esta 🥰
🎸🍀 Brian Brody abrindo o concerto!
🎟️ entradas en woutick e en nada tamén no BarTolo PunkRock.

exposición RUXE RUXE 1996 – 2021: 25 ANOS DE UNIVERSO GRÁFICO

NA ZONA C (Compostela)

Dende a estrea do seu recoñecido logo nos inicios do grupo en 1996 ate os últimos deseños do disco “O estraño falar dun monstro da aldea” (2020), Ruxe Ruxe sempre coidou a imaxe gráfica do seu traballo coa complicidade de deseñadores, fotógrafos ou debuxantes que souberon entender á perfección as súas inquedanzas, dotando todo o seu universo dunha riqueza gráfica de grande valor.
Moitas destas pezas son obra de artistas composteláns, como o creador do logo Javier Iglesias, Pachu M. Torres, Xulio Cé “Arinspunk”, Miguel Duarte ou Javi Bermejo, pero non só, tamén outros grandes como o mítico Grupo Revisión con Pepe Barro á fronte, Carlos Azagra (El Jueves), Diego Pérez “Diebujitos”, Laura Romero ou Raio Díaz (Caramuxo) son parte da historia gráfica dos Ruxe Ruxe.
A arte dos seus case 20 traballos discográficos, cartelería de infinidade de concertos, as súas icónicas camisolas, ilustracións, deseños web, videoclips animados, chapas, revistas, esculturas, artesanía, pegatinas e ata tatuaxes recompilados ao longo de 25 anos, forman unha colección que convén revisar e reivindicar pola singularidade artística e o valor contracultural de todo este universo xerado arredor dunha banda.
Nesta exposición atopamos unha pequena mostra desta inmensa colección, a celebración en imaxes do 25 aniversario dos Ruxe Ruxe.

 

Ler máis novas

Concertos

Non hai concertos programados.